Неділя з фолклором на Русиньскым фестівалі у Свиднику

Неділя, посліднїй день цілого тыжня, в якым проходив Русиньскый фестівал, была присвячена зас фолклору. По раннїм дождї ся погода направила, проґрам ся зачав о 14. годинї приговором Дюра Папуґу, председу Світовой рады Русинїв. Навщівників пізніше поздравив і ПгДр. Лазло А. Надь, сполномоченый влады СР про народностны меншины і Інґ. Мілан Мнягончак, ґенеральный спонзор Русиньского фестівалу. В неділю ся презентували детскы фолклорны колективы Хемлонячик і Маковичка, фолклорны колективы Хемлон, Топлян, Розмарія і Маковица. О 15.30 продовжував в премєрі очекуваный проґрам умелецького колективу Лучница Образы з минулого. Бодком за новым Русиньскым фестівалом было выступіня фолклорного колективу Раславічан.

Посмотьте сі фотографіі з неділї з фолклором на фейсбуку.

На фотографіі: Умелецькый колектив Лучница на Русиньскым фестівалі у Свиднику
Автор фотоґрафії ку чланку: Саша Кеселіцова