Русиньскый фестівал

Акція, котру готовлять Русины про шыроку громаду любителїв русиньской културы, приносить од року 2013 унікатный проґрам, якым Свідник і ёго околіця жыє цїлый єден тыждень. Орґанізаторы до нёго закомпоновали выставкы умелецькых творів, промітаня філмів, бісїды, презентації, выступлїня музичных ґруп, танечных і театралных колектівів. Заміром орґанізаторів є ословити людей каждой віковой катеґорії. Русиньскый фестівал має амбіцію стати ся таков подїёв, котра наповнить довгорічну тугу і замір Русинів на Словакії презентовати ся на цїлодержавній уровни як самостатна народность і збогатити участників знанями о своїй духовній културї і материньскім языку.

Єднов з головныx ідей фестівалу є представити Русинів такыма, якы досправды суть. Суть народом приготовленым подїлити ся зо своїм културным богатством із другыма народами, а зарівно народом отвореным поучіти ся із традіцій, скушеностей і концепцій другых народів і култур. І зато ёго головным одказом є толеранція і решпект, сполупраца і іншпірація міджі Русинами і далшыма народами перетрансформована до стратеґії утримати свої унікатны традіції, културу і язык.

Перезрїти проґрам фестівалу

Зобразити
веце новот »