ДФК Шінява

В Дїтьскім фолклорнім колектіві Шінява танцює 80 дїтей в трёх віковых катеґоріях. Базов їх драматурґії є спрацованя дїтьскых гер, дїтьскых жанрів устной народной творчости, але тыж танцїв а дїтьскых співанок реґіонів середнёй і выходной Словакії.

У своїй роботї колектів выходить з характеру дїтьской душы, спонтанности і гравости дїтей. Намагать ся як найавтентічнїше презентовати фолклорный матеріал і пропорціонално закомпоновати до проґраму танець і спів. Цїлём колектіву є вести дїти к актівному прожываню вольного часу і спознаваню выходословацького фолклору в ёго автентічній формі.